Kraliça II Elizabetin tabutu olan kortej Şotlandiyanın Edinburq şəhərinə çatıb və Holirud sarayına yönəlib.
Senzor.az xarici KİV-ə istinadən xatırladır ki, tabut Holirud sarayının taxt zalına yerləşdiriləcək, sentyabrın 12-də isə Müqəddəs Egidiya kilsəsində Böyük Britaniya Kralı III Karlın və Şotlandiyanın birinci naziri Nikola Stercenin iştirakı ilə ibadət mərasimi keçiriləcək.
Sentyabrın 13-də tabut Edinburqdan təyyarə ilə London ətrafındakı “Northolt” hərbi aviabazasına aparılacaq.
Daha əvvəl mərasim Aberdin, Dandi və Pertdə olub.
Kraliça II Elizabetin dəfn mərasimi sentyabrın 19-da keçiriləcək. 
**16:28(11.09.2022)
Kraliça II Elizabetin cənazəsini daşıyan kortej Balmoral qəsrindən Edinburqa aparılır.
APA xəbər verir ki, Kraliçanın tabutu “Holyroodhouse”un Taxt Otağında - monarxın rəsmi Şotlandiya iqamətgahında saxlanacaq, saray işçiləri öz hörmət və ehtiramlarını göstərə biləcəklər.
Bazar ertəsi cənazə Edinburqdakı St Giles Katedralinə aparılacaq, ictimaiyyət tərəfindən baxılmasına bazar ertəsi saat 17:00-da icazə veriləcək.
13 sentyabrda tabut Edinburqdan Londona - Bakinqam sarayına aparılacaq, 14 sentyabrda isə “Westminster Hall”a gətiriləcək və zal 4 gün ərzində ictimaiyyətə açıq olacaq.
Dəfn mərasimi 19 sentyabrda gerçəkləşəcək.
