Tacikistan-Qırğızıstan sərhədinin müəyyən edilməmiş hissəsində atışma olub.
Senzor.az bildirir ki, məlumatı “İnterfaks” Qırğızıstan sərhəd xidmətinə istinadən yayıb.
Qeyd olunur ki, hadisə Qırğızıstanın Batken vilayətinin Batken rayonunun Bulak-Başı ərazisində baş verib. Atışma zamanı Tacikistan sərhədçiləri minaatanlardan istifadə ediblər.
“Sentyabrın 14-də dövlət sərhədinin Qırğızıstan-Tacikistan hissəsində silahlı insident baş verib. Tacikistan tərəfi minaatanlardan istifadə edib. İlkin məlumatlara görə, Qırğızıstan tərəfdən ölən və yaralanan olmayıb”, - məlumatda vurğulanıb.
“Sputnik Tacikistan” isə insident zamanı bir tacikistanlı sərhədçinin öldüyü və ikisinin yaralandığı barədə məlumat yayıb.
Tərəflər arasında gərginliyin qarşısını almaq məqsədilə telefon danışıqları olub, görüş planlaşdırılır.
