Qazaxıstanın paytaxtı Nur-Sultanın adı dəyişdirilib və o, yenidən Astana adlandırılıb.
“Sputnik Qazaxıstan”a xəbər verir ki, paytaxtın yeni adı ilə əlaqədar respublika əhəmiyyətli avtomobil yolları boyu 467 məlumat lövhəsinin dəyişdirilməsi nəzərdə tutulur.
"KazAvtoJol"un mətbuat xidmətindən bildiriblər ki, bu günə qədər 100-ə yaxın məlumat paneli sökülüb, dəyişdirilməsi üzrə işlər davam edir.
Qurumdan bildirilib ki, məlumat lövhələrinin dəyişdirilməsi hər il respublika əhəmiyyətli avtomobil yollarının saxlanılması üçün ayrılan vəsait hesabına həyata keçirilir.
Modern.az xatırladır ki, Prezident Kasım-Jomart Tokayev “Qazaxıstan Respublikasının Konstitusiyasına dəyişikliklər və əlavələr edilməsi haqqında” qanunu imzalayıb. Dəyişikliklərdən biri Qazaxıstan paytaxtının adının dəyişdirilməsi ilə bağlıdır. Prezident Nur-Sultan şəhərinin adının Astana adlandırılması haqqında sərəncam imzalayıb.
