ABŞ Prezidenti Cozef Bayden Rusiyadakı səfir postuna namizədinin adını açıqlayıb.
TASS xəbər verir ki, bu barədə Ağ Evin mətbuat xidmətinin məlumatında deyilir.
"Ermənistandakı diplomatik missiyanın rəhbəri Linn Treysinin Rusiya Federasiyasında fövqəladə və səlahiyyətli səfir vəzifəsinə namizədliyi irəli sürülüb", - Ağ Evdən bildirilib.
Təklif dəstəklənsə, Lin Treysi tarixdə bu vəzifəni tutan ilk qadın olacaq. O, rus dilini bilir və artıq Moskvada işləyib - 2014-2017-ci illərdə diplomatik missiya rəhbərinin müavini vəzifəsində çalışıb.
Xatırladaq ki, ABŞ-da Prezidentin təklif etdiyi səfirlər Senat tərəfindən ictimai dinləmələrlə təsdiqlənir və qəbul edən ölkə ilə razılaşdırılmalıdır.
