ABŞ, eləcə də Avropa ölkələri “Taliban”ı Əfqanıstan vətəndaşlarını terror qruplarından qorumağa çağırıb.
TASS bildirir ki, bu barədə ABŞ, Fransa, Almaniya, İtaliya, Norveç və Böyük Britaniyanın xüsusi nümayəndələrinin sonuncu görüşünün yekunları üzrə qəbul etdikləri birgə bəyanatda qeyd edilir.
İştirakçılar, həmçinin bir sıra əhali qrupunun, məsələn, qadınların, etnik və dini azlıqların hüquqlarının məhdudlaşdırılmasının davam etdiyini vurğulayıblar.
Nümayəndələr qızların orta və yuxarı siniflərdə davamiyyətinə qoyulan qadağanın dərhal aradan qaldırılmasına çağırıblar.
Xatırladaq ki, sentyabrın 22-də Əfqanıstanın paytaxtında partlayış baş verib.
Ondan əvvəl-sentyabrın 5-də isə terrorçu diplomatik departamentin binası yaxınlığında özünü partladıb, nəticədə 15-20 nəfər yaralanıb, azı 10 nəfər ölüb.
