Almaniyada səfərbərlikdən yayınma siyasi sığınacaq istəyinə müsbət cavab verilməsi üçün əsas sayılacaq.
ZN.ua nəşri bildirir ki, ölkədə siyasi sığınacaq almaq üçün Rusiya ordusundan fərarilik də kifayət qədər inandırıcı səbəb olacaq.
Bu qərar Almaniyada rəsmi olaraq təsdiqlənib. Belə ki, Berlin artıq Miqrasiya və Qaçqınlar üzrə Federal İdarəyə göstəriş verib.
Lakin yalnız Almaniya ərazisində sığınacaq almaq üçün müraciət edilməlidir.
Eyni zamanda Berlin əcnəbilərin ölkədə qalması haqqında qanunun 22-ci bəndini tətbiq etmək niyyətində deyil. Yəni səfərbərlikdən qaçmaq istəyi əsasında rusiyalılara humanitar viza verilməyəcək.
