İran Xarici İşlər Nazirliyinin sözçüsü Səid Xatibzadə gürcü sərhədçilərinin İran vətəndaşlarına qarşı davranışlarını qəbuledilməz adlandırıb.
Bu barədə "Tasnim News" məlumat yayıb.
Bildirilir ki, İran rəsmisi Tiflisi bu məsələni ən qısa zamanda həll etməyə çağırıb.
Xatibzadə Gürcüstanda yaşayan iranlıların diskriminasiya ilə bağlı şikayətlərinə cavab olaraq İranın Tiflisdəki səfirliyinin bu problemi yaxından izlədiyini və Gürcüstanın Tehrandakı səfirliyinə məlumatlar verildiyini bildirib.
Azvision.az xatırladır ki, son vaxtlar Gürcüstan sərhədçiləri İran vətəndaşlarının, hətta daimi vizası olanların da Gürcüstana girişini qadağan ediblər.
