Bir qrup etirazçı Sudanın şimal-şərqində yerləşən Port Sudan şəhərindəki hava limanının fəaliyyətini dayandırıb.
"Report"un məlumatına görə, etirazçılar uçuş-enmə zolağına daxil olaraq, təyyarələrin qəbulu və göndərilməsinə mane olublar.
Daxili və beynəlxalq uçuşların dayandırılması hava limanında böyük sıxlığa səbəb olub.
Qeyd edək ki, Sudanın Qərbi Darfur bölgəsində qəbilə və tayfalar arasında 2003-cü ildən bəri davam edən silahlı toqquşmalarda 300 mindən çox insan həlak olub, 2,5 milyon nəfər dinc sakin evlərini tərk edib.
