Əfqanıstanın müvəqqəti hökumətinin mədəniyyət və informasiya nazirinin müavini Zabiullah Mücahid Rusiya ilə əlaqələri yüksək səviyyədə inkişaf etdirmək niyyətində olduqlarını açıqlayıb.
“Moskovskiy komsomolets” yazır ki, o, xüsusilə Əfqanıstan rəsmilərinin Moskvaya səfər üçün dəvət gözlədiklərini bildirib.
Onun sözlərinə görə, Rusiya Əfqanıstan üçün vacib ölkədir. Gün gələcək hər kəs “Kabil ilə Moskva arasındakı güclü əlaqənin şahidi olacaq”.
Mücahid həmçinin qeyd edib ki, Rusiya digər ölkələrlə birlikdə Əfqanıstanda iqtisadi layihələrini həyata keçirməyə başlaya, həm də bu ölkəyə sərmayə qoya bilər. Türkiyə isə təhsilə kömək edə bilər.
