Sudanın şərqində etiraz aksiyasının iştirakçıları ölkə paytaxtı Xartumla Xayya şəhərlərinin birləşdiyi ərazidə yerləşən neft kəmərini bağlayıblar.
“Report” xəbər verir ki, məlumatı Beca tayfasının Ali Şurası “feysbuk” səhifəsində yayıb.
“Şərqdəki inqilabçılar Ali Şuranın qərarı ilə Xayya-Xartum neft kəmərini bağlayıb“, - Şura bildirib.
Məlumata görə, etirazçılar Xayyadakı dəmir yoluna nəzarəti də ələ alıblar. Bu yol Qırmızı dəniz sahilində yerləşən Port Sudana və başqa əhəmiyyətli limanlara uzanır.
Xatırladaq ki, Sudanın şərqində səhiyyə, təhsil sahəsində çoxsaylı çatışmazlıqlar var. Əhali yoxsul vəziyyətdə yaşayır. Bir müddət əvvəl aksiya iştirakçıları Port-Sudan şəhərindəki hava limanını da ələ keçiriblər.
