Bu gün səhər saatlarında İranın Kirman vilayətində zəlzələ baş verib.
Senzor.az yerli KİV-ə istinadən bildirir ki, bu barədə Tehran Universitetinin Seysmoloji Mərkəzi məlumat yayıb.
Bildirilib ki, zəlzələ 4,5 bal gücündə olub. Zəlzələdən sonra 2,7 bal gücündə ikinci təkan da qeydə alınıb.
İnsan tələfatı və dağıntılar haqqında hələlik məlumat yoxdur. Hadisə yerinə təcili olaraq xilasedici və tibbi yardım göndərilib.
