Radikal "Taliban" hərəkatı Əfqanıstanın bütün ərazisinə nəzarət etdiyini bəyan edib.
Senzor.az bildirir ki, bu barədə "Al Arabiya" telekanalı məlumat yayıb.
"Taliban"ın bəyanatında deyilir ki, ölkənin paytaxtında heç bir hərbi əməliyyat aparılmır və hərəkat bütün Əfqanıstan üzərində nəzarəti ələ alıb. Telekanalın məlumatına görə, "Taliban" Əfqanıstanın Baqram hava bazasını da nəzarətə götürüb.
Bu arada "RİA Novosti" Əfqanıstanda keçid hökumətinin yaradıldığı barədə məlumat yayıb.
Bildirilir ki, keçid hökumətinə ölkənin sabiq daxili işlər naziri Əli Əhməd Cəlali rəhbərlik edəcək.
