Belarus Prezidenti Aleksandr Lukaşenko istefa verməyə hazırdır.
Bunu o, CNN televiziyasına müsahibəsində deyib.
Belarus lideri istefaya getməsi üçün Qərbin ilk növbədə ölkəyə təzyiqlərini dayandırmalı olduğunu, suverenliyinə qarantiya verməli olduğunu söyləyib: “And içirəm ki, ölənə qədər prezident olmağa hazırlaşmıram. Hər şey Belarusdakı situasiyadan asılıdır”.
A.Lukaşenko onu da bəyan edib ki, əgər xarici düşmən Belarusa hücum etmək barədə düşünürsə, o, Rusiya və Belarus birləşmiş qüvvələri ilə qarşılaşmalı olacaq: “Əgər lazım olsa, Belarusla Rusiya ölkəmizdə vahid bazaya çevriləcək. Əgər siz qəflətən buna qərar versəniz, bunu dəqiq başa düşməlisiniz. Qərb istiqamətində Belarusla Rusiya artıq vahid ordu formalaşdırıblar. Biz çoxdan Belarus və Rusiya İttifaq Dövlətinin forpostuyuq”.
