Əfqanıstanda yüzlərlə məhbus həbsxanadan qaçıb.
Senzor.az Rusiya KİV-inə istinadən bildirir ki, həbsxanadan kütləvi qaçış ölkənin şərqindəki Çarikare şəhərində qeydə alınıb. Əfqanıstan polisi qaçışın həbsxana müdirinin səhlənkarlığı ucbatından olduğunu bildirib. Mühafizəçilər qanun pozucularına atəş açaraq onları dayandırmağa çalışıblar.
“The Wall Street Journal” isə bütün Əfqanıstanı ələ keçirən radikal “Taliban”ın yüzlərlə təhlükəli məhbusu “Pul-e-Charkhi” həbsxanasından buraxdığını yazıb.
Qeyd edilir ki, “Pul-e-Charkhi” ölkədə ən böyük həbsxana sayılır.
Azad edilmiş cinayətkarların arasında çox sayda talibançı və “Əl-Qaidə" terror təşkilatının üzvləri var. Terrorçular və qatillər kütləvi şəkildə Kabilə üz tutublar.
