Yaponiya parlamentinin aşağı palatası böyük səs çoxluğu ilə hakim Liberal-demokrat Partiyasının rəhbəri Fumio Kisidanı ölkənin Baş naziri seçib.Senzor.az yerli KİV-ə istinadən bildirir ki, Fumio Kisida Yaponiyanın 100-cü Baş naziri olub.
Qeyd edək ki, keçmiş Baş nazir Yosihide Suqanın hakim partiyanın sədri vəzifəsinə namizədliyini irəli sürməyəcəyi hələ sentyabrın əvvəlində açıqlanmışdı.
Fumio Kisida Baş nazir seçiləndən az sonra ABŞ Prezidenti Cozef Baydenlə onun arasında telefon danışığı olub.
Söhbət təxminən 20 dəqiqə davam edib. Tərəflər Yaponiya-ABŞ ittifaqını gücləndirməyə, azad və açıq Hind-Sakit okean bölgəsi konsepsiyasının həyata keçirilməsi üzərində çalışmağa hazır olduqlarını təsdiqləyiblər.Baş nazir bildirib ki, Bayden Təhlükəsizlik Müqaviləsinin 5-ci maddəsinə əsasən Yaponiyanı müdafiə edəcəyinə dair öhdəliyini bir daha təsdiqləyib.
Tərəflər, həmçinin Çin, KXDR, koronavirusla mübarizə məsələləri üzrə əməkdaşlığı davam etdirməyə razılaşıblar.
