Avstriyada Kansler Sebastian Kurtsun mediaya rüşvət verməkdə şübhəli bilinən ən yaxın məsləhətçilərinin ofislərində polis tərəfindən axtarışlar aparılıb.
“Report” xəbər verir ki, istintaq hərəkətləri Avstriyanın ən böyük tabloidi “Österreich” nəşri ilə Kurtsun Kansler vəzifəsinə başlamasından əvvəl bağlanmış sazişlərin şübhəli olması ilə bağlıdır.
“Die Presse” qəzeti bildirib ki, korrupsiya ilə əlaqəli olmaqda şübhəli bilinən Kansler barəsində də araşdırma aparılır.
Müstəntiqlər Kurtsun başçılıq etdiyi Avstriya Xalq Partiyasının qərargahında, Federal Kanslerin ofislərində axtarışlar aparıblar. Xüsusilə Kanslerin rəsmi nümayəndəsinin, media ilə iş üzrə səlahiyyətli müşavirinin kabinetlərindəki sənədlər araşdırılıb.
“Die Presse” və “Kurier” qəzetləri bildiriblər ki, Kanslerin ətrafı qəzet məqalələri və müsbət cavablarla sorğular dərc etmək üçün “Österreich”ə rüşvət verməkdə şübhəli bilinir.
