Ankarada Türkiyə və İran Xarici İşlər nazirliklərini təmsil edən heyətlər arasında məsləhətləşmə görüşü keçirilib.
AzərTAc xəbər verir ki, Türkiyə heyətinə xarici işlər nazirinin müavini Sedat Önal, İran heyətinə isə Əli Bagiri Qəni rəhbərlik ediblər.
Türkiyə XİN-in yaydığı məlumata görə, görüşdə ikitərəfli münasibətlər, Suriya, Əfqanıstan, Qafqaz və Yəmən başda olmaqla beynəlxalq əhəmiyyətli və regional məsələlər ətrafında məsləhətləşmələr aparılıb.
