Ermənistanda son sutka ərzində daha 1863 nəfər koronavirus (COVID-19) infeksiyasına yoluxub.Senzor.az yerli KİV-ə istinadən bildirir ki, bununla ölkədə COVID-19-a yoluxanların ümumi sayı 280 294 nəfərə çatıb.
Ermənistanda koronavirusdan bir gündə həm də 41 nəfər ölüb və bu infeksiyadan həyatını itirənlərin sayı 5
754-ə yüksəlib. Koronavirusa yoluxmuş, lakin digər xəstəliklərdən ölənlərin sayı isə 1 233 nəfərdir.
Hazırda Ermənistanda 20 161 nəfər aktiv koronavirus xəstəsi var.
Gürcüstanda isə ötən 48 saatda daha 5 076 nəfərə koronavirus diaqnozu qoyulub, 1 126 nəfər müalicə olunaraq sağalıb, 44 pasiyent vəfat edib.
Ümumiyyətlə, Gürcüstanda indiyədək COVID-19 infeksiyası 657 753 nəfərdə aşkarlanıb. Onların 609 987-si sağalıb, 9 440-ı isə ölüb.
