Çin avqust ayında nüvə başlığı daşıya bilən hipersəsli raketini sınaqdan keçirib.
Bu barədə “Faynenşl Tayms” qəzeti məlumat yayıb.
Məlumata görə, raket Yer kürəsi ətrafında fırlanaraq aşağı orbitli kosmosdan keçib, sonra hədəfi vurmaq üçün enib.
Qəzetə məlumat verən mənbənin sözlərinə görə, raket hədəfə çatmayıb və ondan təxminən 33 kilometr yan keçib.
Buna baxmayaraq, Pekinin bu addımı ABŞ kəşfiyyatını şoka salıb: “Sınaq göstərdi ki, Çin hipersəsli silahların hazırlanmasında heyrətamiz irəliləyişlər əldə edib və amerikalıların düşündüyündən qat-qat üstündür. Başa düşmürük, onlar bunu necə etdilər”.
