Soçidə Rusiya Prezidenti Vladimir Putinlə İsrailin Baş naziri Naftali Bennet arasında keçirilən görüş başa çatıb.Senzor.az yerli KİV-ə istinadən bildirir ki, bu barədə İsrail Baş nazirinin ofisi məlumat yayıb.
Bildirilib ki, V.Putinlə N.Bennetin danışıqları beş saatdan artıq davam edib: “Görüş müsbət aurada baş tutub. Prezident və Baş nazir ikitərəfli əlaqələri müzakirə ediblər”.
Maraqlıdır ki, Putinin İsrailin Baş naziri Naftali Bennetlə danışıqlarına tərcüməçi buraxılmayıb. Baş naziri Rusiyaya səfəri zamanı müşayiət edən İsrailin tikinti naziri Zeev Elkin TASS-a müsahibəsində deyib ki, danışıqlar zamanı tərcüməçi funksiyasını o yerinə yetirib.Elkin İsrailin Baş naziri ilə Rusiya Prezidenti arasında danışıqları “uğurlu” və “çox vacib” adlandırıb.
