Prezident Rəcəb Tayyib Ərdoğanın sədrliyi ilə Türkiyə hökumətinin növbəti iclası keçirilib.
Senzor.az yerli KİV-ə istinadən bildirir ki, iclasdan sonra ənənəvi olaraq xalqa müraciət edən Prezident Türkiyənin Afrika siyasətinə, regional proseslərə təsirinə, beynəlxalq aləmdəki proseslərə münasibətinə, eləcə də ölkə daxilində tətbiq olunan sosial-iqtisadi tədbirlərə toxunub.
2016-cı ilin iyulunda Türkiyədə dövlət çevrilişi cəhdində iştirak etmək ittihamı ilə həbsdə olan Osman Kavalanın azadlığa buraxılmasına çağırış edən on dövlətin səfirlərinə bir daha kəskin etirazını bildirən Prezident Rəcəb Tayyib Ərdoğan vurğulayıb ki, Türkiyə məhkəməsi heç kimdən təlimat almaz, kimsənin də əmrini yerinə yetirməz. “Məqsədimiz böhran yaratmaq deyil, Türkiyənin şərəfini qorumaqdır”,-deyə fikirlərini davam etdirən dövlət başçısı əhalinin rifahının yaxşılaşdırılması tədbirləri, gündəlikdə duran digər məsələlər, o cümlədən yeni növ koronavirus (COVID-19) infeksiyasına qarşı tədbirlərə toxunaraq vətəndaşları COVID-19 virusuna qarşı mübarizədə fəal olmağa səsləyib.
