Gürcüstanın 39 gündür aclıq elan edən eks-prezidenti Mixail Saakaşvili Rustavidəki 12 saylı həbsxanadan çıxarılıb.Senzor.az yerli KİV-ə istinadən bildirir ki, bunu jurnalistlərə açıqlamasında siyasətçinin anası Giuli Alasaniya deyib.
O qeyd edib ki, həbsxanaya oğluna baş çəkməyə gedərkən içəri buraxılmayıb. Məlum olub ki, Saakaşvili artıq həmin həbsxanada deyil.
“İki zirehli maşın gəldi, daha sonra helikopter uçmağa başladı”, - deyə Alasaniya bildirib.
“Pirveli” kanalının məlumatına görə isə Saakaşvili helikopterlə Qori hərbi hospitalına aparılıb.
Ədliyyə Nazirliyinin Xüsusi Penitensiar Xidməti məsələyə münasibət bildirməyib.
