Ermənistan ordusu baş qərargahının tərkibində pilotsuz uçuş aparatlarla bağlı xüsusi şöbə yaradılacaq.
Azvision.az bildirir ki, belə bir qərar hökumət tərəfindən qəbul edilib. Yerli medianın yazmasına görə, yeni şöbə aviasiya departamentinin bölünməsi nəticəsində yaradılacaq.
"Hərbi texnikanın inkişafı, habelə 2020 -ci ildəki döyüşlərin gedişi nəzərə alınmaqla, PUA sistemlərinin inkişafına və onlara nəzarət prosesinə daha çox diqqət yetirilməsinə ehtiyac yaranıb", - hökumətin qərarında vurğulanıb.
Silahlı qüvvələrdə struktur dəyişiklikləri ilə bağlı başqa bir qərar isə hökumətin yazılı səsverməsi ilə təsdiqlənib. Burada xüsusən bölmələrin ləğv edilməsi və komandirlərin ixtisarı nəzərdə tutulur. "Bölmələrin ləğvinin 31 dekabr 2021 -ci ilə qədər tamamlanması planlaşdırılır. Hökumət daha iki layihəni də təsdiqləyib ki, onlar da gizlin saxlanılır, dərc oluna bilməzlər",-yerli saytlar yazıb.
