İŞİD terror qruplaşmasının ən azı 80 yaraqlısı Əfqanıstanda hakimiyyətdə olan “Taliban” hərəkatının təhlükəsizlik qüvvələrinə təslim olub.Bu barədə “Pajhwok” agentliyi məlumat yayıb.
Terrorçular Əfqanıstanın şərqindəki Nanqarhar əyalətində tayfa ağsaqqallarının vasitəçiliyi ilə təslim olublar. Əlavə təfərrüatlar açıqlanmayıb.
Qeyd edək ki, son üç ay ərzində Əfqanıstanın bir neçə əyalətində, o cümlədən paytaxtda dəfələrlə partlayış, silahlı hücumlar və atışmalar baş verib. Nəticədə həm "Taliban" üzvləri, həm də yerli sakinlər həlak olub. İŞİD-in qolu olan "Xorasandakı İslam Dövləti" hadisələrin bəzilərinə görə məsuliyyəti öz üzərinə götürüb.
