Rusiyada artıq koronavirusun yeni "omicron" ştammı ilə yoluxmuş xəstələr var."RİA Novosti" xəbər verir ki, bunu Rusiyanın əməkdar həkimi Vladimir Kruqlıy deyib.
"Ştamm böyük ehtimalla Rusiyada mövcuddur. Onun yayılmasının mənbəyi Misirə səfər etmiş vərətəndaşlarımızdır", - o deyib.
Rusiyanın əməkdar həkimi "omicron" ştammı öyrənilənə qədər Misir Ərəb Respublikası ilə uçuşların bağlanmasına çağırıb.
Məlumata görə, Cənubi Afrikada yeni ştamma yüzə yaxın yoluxma qeydə alınıb. Avropa Birliyi və bir çox başqa ölkələr bəzi Afrika dövlətlərindən səyahət qadağaları tətbiq edib.
