Rusiyada koronavirusun növbəti dalğası yanvarın ikinci yarısında başlaya bilər.Senzor.az yerli KİV-ə istinadən bildirir ki, bunu rusiyalı immunoloq Nikolay Kryuçkov deyib.
“Beşinci dalğa yeni bir ştamm olmadan da olmalı idi, lakin “Omicron” həqiqətən, bu qədər yüksək yoluxuculuğa sahibdirsə, bu prosesə təkan verə bilər. Əslində, yanvarın ikinci yarısında mutasiya təsir etməyə başlayacaq”, - deyə immunoloq bildirib.
O, yoluxmada artımın ardıcıllığına inanır.
Onun sözlərinə görə, yaxın vaxtlarda alimlər “Omicron” ştammını tədqiq edəcəklər: “Yeni ilə qədər yüksək hazırlıq rejimi olmalıdır. Biz nəyisə tapana qədər gözləyib sonra isə düşünməməliyik, çünki, artıq bu, mənasız olacaq”.
