Dünyada yeni növ koronavirusa (COVID-19) yoluxanların sayı son sutka ərzində 530 minə yaxın olub.Senzor.az bildirir ki, məlumatı pandemiyanın onlayn statistikasını aparan “worldometers.info” saytı yayıb.
Qeyd olunub ki, son 24 saat ərzində 529 min 504 nəfər yeni koronavirusa yoluxub, 5 min 690 nəfər isə pandemiyanın qurbanı olub. Bununla da yoluxanların ümumi sayı 265 milyon 689 min 812, ölənlər isə 5 milyon 263 min 768 nəfərə çatıb.
Ötən sutka ərzində virusa ən çox yoluxma halı (56 min 742 nəfər) ABŞ-da, bu xəstəlikdən ölüm faktı isə (1215 nəfər) Rusiyada qeydə alınıb.
Dünyada bu vaxtadək ən çox yoluxma halı ABŞ (49,9 milyon), Hindistan (34,6 milyon), Braziliya (22,1 milyon), Böyük Britaniya (10,4 milyon), Rusiya (9,7 milyon), Türkiyə (8,8 milyon) və Fransada (7,8 milyon) qeydə alınıb.
