Bayden Tehranın nüvə proqramı ilə bağlı aparılan diplomatik danışıqlar uğursuz olarsa, atılacaq addımları hazırlamağı tapşırıb. Bu halda biz başqa variantlara müraciət edəcəyik.Senzor.az bildirir ki, bunu ABŞ Dövlət Departamentinin sözçüsü Cen Psaki Vaşinqtonda keçirilən brifinqində deyib.
Psaki İranın iqtisadi sanksiyalardan qurtulmasının yeganə yolunun nüvə razılaşmasının şərtlərinə əməl etmək olduğunu bildirib: “Əgər İranın nüvə proqramı sürətlənməyə davam edərsə, bizim İranın istehsal sektorlarından gəlirlərini məhdudlaşdırmaq üçün əlavə tədbirlər görməkdən başqa çarəmiz qalmayacaq”.
Ağ Evin sözçüsü əlavə təfərrüatları açıqlamaqdan imtina edib.
Onun sözlərinə görə, ABŞ Maliyyə Nazirliyinin rəsmiləri hökumət və biznes nümayəndələri ilə məsləhətləşmələr aparmaq üçün gələn həftə Birləşmiş Ərəb Əmirliklərinə səfər etmək niyyətindədir. Görüşlər zamanı İranın ticarət əlaqələrinin müzakirəsi planlaşdırılır.
