"Taliban" Əfqanıstanda milli valyutanın - əfqaninin son günlər kəskin ucuzlaşması ilə əlaqədar dollar alqı-satqısını qadağan edib.Bu barədə Əfqanıstanın "Aamaj News" agentliyi məlumat yayıb.
Ölkənin Kabildə yerləşən ən böyük valyuta bazarı “Saray Şahzadə”də dolların məzənnəsi avqustun əvvəlində 80 əfqani olsa da, artıq 114 əfqani səviyyəsinə çatıb.
Oktyabrın 6-da Mərkəzi Bank ölkədə bütün ticarət əməliyyatlarının yalnız Əfqanıstan valyutası ilə həyata keçirilməli olduğu barədə fərman verib. "Taliban" rəsmiləri daha sonra iqtisadi əməliyyatlarda xarici valyutadan istifadə edən şəxslərin cəzalandırılacağını bildiriblər.
“Report” xatırladır ki, "Taliban" tərəfindən həyata keçirilən bu tədbirlərə baxmayaraq, ölkədə iqtisadi vəziyyət son dərəcə ağır olaraq qalır.
