Türkiyədə son sutkada yeni növ koronavirusdan (COVID-19) 182 nəfər ölüb.Senzor.az yerli KİV-ə istinadən bildirir ki, bu barədə Türkiyənin səhiyyə naziri Fahreddin Koca özünün Twitter səhifəsində məlumat yayıb.
Nazirin yayınladığı bugünkü cədvəldə bildirilir ki, COVID-19 infeksiyası ilə əlaqədar 345 754 nəfər test edilib, 17 956 nəfərin testi pozitiv nəticə verib, 22 648 nəfər isə bu xəstəlikdən sağalıb.
Qeyd edək ki, Türkiyədə biri İstanbulda, beşi İzmirdə olmaqla 6 nəfərdə COVID-19-un “omicron” ştammı aşkar edilib. F.Koca əhaliyə müraciət edərək, bundan qorxmamalarını tövsiyə edib və COVİD-19-a qarşı peyvənd olunmanı tamamlamağın vacibliyini bildirib.
Xatırladaq ki, Türkiyədə indiyədək COVİD-19-a qarşı birinci, ikinci və üçüncü mərhələ daxil 121 655 651 peyvənd tətbiq edilib ki, bunun 91,05 faizi birinci, 82,03 faizi ikinci mərhələ vaksinasiya olunanlardır.
