Ermənistanın hər beşinci sakini hakimiyyətin siyasəti ucbatından ölkəni tərk edir.Sabiq prezident, hərbi cani Serj Sarkisyan bunu "Respublika" partiyasının 17-ci qurultayında çıxış edərkən deyib.
“Bu gün hər beş nəfərdən biri ölkəni tərk edir. İndi biz bu qurultayı keçirən zamanda da insanlar Ermənistanı "Zvartnots" hava limanından göz yaşları ilə tərk edirlər. Bu il ölüm və doğum göstəriciləri bərabərləşib, demoqrafik böhran var”, - deyə S.Sarkisyan erməni cəmiyyətinin düşdüyü ağır durumdan şikayətlənib.
Ermənistanın üçüncü prezidenti hesab edir ki, belə acınacaqlı vəziyyətin yaranmasına səbəb vətənsiz və xalqı aşağılayan hakimiyyətin davranışlarıdır.
Azvision.az xatırladır ki, S.Sarkisyanın 10 illik prezidentliyi dövründə 373 min insan Ermənistanı tərk edib və geri qayıtmayıb (illik orta hesabla təxminən 37 min-red.). Yerli media 1991-ci ildə Ermənistanda 77 000, 2017-ci ildə 37 700, 2020-ci ildə isə cəmi 36 448 uşağığın doğulduğunu yazıb.
