Gürcüstanda son sutkada daha 3 282 nəfər koronavirusa yoluxub, 3263 nəfər müalicə olunaraq sağalıb, 53 pasiyent pandemiyanın qurbanı olub.Senzor.az yerli KİV-ə istinadən bildirir ki, bu barədə ölkənin Xəstəliklərə Nəzarət və İctimai Sağlamlıq Milli Mərkəzi məlumat yayıb.
Qeyd olunur ki, bununla da, ölkədə COVID-19-a yoluxanların ümumi sayı 913 738-ə, sağalanların sayı 866 339-a, bu virusdan ölənlərin sayı isə 13 169-a çatıb.
Hazırda Gürcüstanda 34 204 aktiv koronavirus xəstəsi var.
Xatırladaq ki, Gürcüstanda artıq “omicron” ştammına yoluxma ilə əlaqədar 2 fakt qeydə alınıb. Mütəxəssislərin sözlərinə görə, “omicron”a yoluxanların sayı daha da artacaq.
