Gürcüstanda son sutkada daha 78 nəfər pandemiyanın qurbanı olub.Senzor.az yerli KİV-ə istinadən bildirir ki, bu barədə ölkənin Xəstəliklərə Nəzarət və İctimai Sağlamlıq Milli Mərkəzi məlumat yayıb.
Qeyd olunub ki, bu, dekabr ayında ən yüksək göstəricidir.
Məlumata görə, son 24 saatda həm də 1 976 yeni yoluxma halı qeydə alınıb. Bununla da, Gürcüstanda COVID-19 infeksiyasına yoluxanların ümumi sayı 920 617-yə, sağalanların sayı 876 254-ə, bu virusdan ölənlərin sayı isə 13 367-yə çatıb.
Hazırda ölkədə 1227 nəfər ağır koronavirus xəstəsi var. Onların da 308-i süni nəfəs aparatına qoşulub.
