Əfqanıstanda hakimiyyətdə olan “Taliban” hərəkatı avtomobillərdə musiqi səsləndirilməsini və hicabsız qadınları maşına mindirməyi qadağan edib.Bu barədə “Kabul News” məlumat yayıb. "Taliban” hökumətindəki rəsmilər məlumatı təsdiqləyiblər. Bildirilib ki, sürücülərə musiqi səsləndirməmək və hicabsız qadınları maşına mindirməmək barədə yazılı tövsiyə verilib.
Daha əvvəl otellərdən birinin sahibi deyib ki, "Taliban" Əfqanıstanda toylarda canlı musiqini qadağan edib, indi kişilər və qadınlar müxtəlif salonlarda şənlik keçirməlidirlər.
