Rusiyanın Tümen vilayətindən Ermənistan paytaxtına uçan təyyarə qəza şəraiti ilə üzləşib. Senzor.az yerli KİV-ə istinadən bildirir ki, “Utair” aviaşirkətinin Tümendən İrəvana uçan təyyarəsi gecikib.
Buna səbəb mühərrikdə alışma və partlayışın baş verməs olub. “Təyyarə saat 07.20-də (yerli vaxtla - red.) Tümendən İrəvana uçmalı imiş. Uçuş zamanı təyyarənin mühərriki partlayıb. Reys təxirə salınıb. Sərnişinlərin yarısı evlərinə dönüb, təyyarənin axşama doğru uçacağı bildirilib”, - məlumatda vurğulanıb.
İnternetdə insidentin videosu da yayılıb. Sərnişinlərdən birinin lentə aldığı videogörüntülərdən təyyarənin sol qanadının altında qığılcımların meydana gəlməsi aşkar görünür.
