"Taliban" Əfqanıstanın müvəqqəti hökumətinə tabe olan iki nazirliyi ləğv edib."Anadolu" agentliyi xəbər verir ki, bunu jurnalistlərə açıqlamasında müvəqqəti hökumətin sözçüsünün müavini Bilal Kərimi deyib.
Onun sözlərinə görə, söhbət sülh və parlament işləri üzrə nazirliklərdən gedir.
Həmçinin əvvəlki hökumət dövründə fəaliyyət göstərən Müstəqil Seçki Komissiyası və Seçki Apellyasiya Komissiyasının buraxılması qərara alınıb.
"Ehtiyac yaranarsa, komissiyaların işi bərpa olunacaq”, - Kərimi bildirib.
