"İŞİD-Xorasan" qruplaşmasının döyüşçüləri Əfqanıstanda ABŞ-ın hərbi qüvvələrinə və onun müttəfiqlərinə hücumların həyata keçirilməsi üçün imkan axtarırlar.“Report” xəbər verir ki, bunu Ağ Evdə Əfqanıstanda vəziyyətə həsr edilmiş çıxışı zamanı ABŞ Prezidenti Cozef Bayden deyib.
"Əfqanıstandan təxliyə missiyamızın həyata keçirilməsini təmin etməkdə tam qərarlıyam. Mən artan riskləri də xatırlayıram. Onlar realdır, bunlar İŞİD-in Əfqanıstanda qolu - İŞİD-Xorasan kimi tanınan terror qruplaşmasının kəskin və artan təhlükəsi, eyni zamanda “Taliban”ın düşməni olduğunu nəzərə almalı olduğumuz əhəmiyyətli çağırışlardır”, - Ağ Ev rəhbəri vurğulayıb.
Onun sözlərinə görə, ABŞ hərbçilərinin Əfqanıstanın paytaxtı Kabildə olduğu hər gün "İŞİD-Xorasan" aeroporta, ABŞ-ın hərbi qüvvələrinə, müttəfiqlərə, həmçinin günahsız vətəndaşlara hücüm etməyə çalışır.
