Bazar günü yalnız altı qaçqın Polşa-Belarus sərhədini qanunsuz keçməyə cəhd edib.Senzor.az yerli KİV-ə istinadən bildirir ki, bu barədə Polşa Sərhəd Xidməti Twitter-də məlumat yayıb.
Lakin bazar ertəsi gecəyarısından sonra böyük bir qaçqın qrupu Belarusdan Polşaya zorla keçməyə çalışıb.
Belə ki, Melnik qəsəbəsi istiqamətindən Polşa ərazisinə 36 nəfərdən ibarət əcnəbi qrupun daxil olmasının qarşısı alınıb. Onlar Polşa patrullarına daş atıblar. Xəsarət alan olmayıb.
Bundan əvvəl Polşa Sərhəd Xidməti bu il 39,5 min miqrantın Belarusdan Polşaya qeyri-qanuni yolla keçməyə cəhd etdiyini bildirmişdi.
