İraqın Babil vilayətində bir ailənin 20 üzvü evlərində ölü tapılıb.Senzor.az yerli KİV-ə istinadən bildirir ki, bu barədə İraq Ordusu məlumat yayıb.
Təhlükəsizlik qüvvələri axtarışda olan bir nəfərin həmin evdə gizləndiyini aşkarlayıb. Evin sahibi təhlükəsizlik qüvvələrinin əməkdaşlarına atəş açıb, iki hərbçi yaralanıb. Ev mühasirəyə alınıb.
Təhlükəsizlik qüvvələri evə daxil olan zaman isə ailənin 20 üzvünü ölü tapıblar.
İraq mediası terrorizmlə bağlı axtarışda olan 4 kişinin öncə ailə üzvlərini, daha sonra isə özlərini güllələdiklərini yazıb.
Ev sahibinin bacısı isə telekanallardan birinə verdiyi açıqlamada evdə olan qohumlarının təhlükəsizlik qüvvələrinin açdığı atəş nəticəsində öldüyünü bildirib.
Babilin qubernatoru Hasan Mandil as-Saryavi ailə üzvlərinin ölümünün səbəbini müəyyənləşdirmək üçün komissiya yaradılması barədə əmr verib.
