2022-ci il təqvim ilinin ilk günü ABŞ-ın İraqın paytaxtı Bağdadda yerləşən səfirliyinin təhlükəsizliyi bir neçə dəfə gücləndirilib, səfirlik binası daxilində ehtimal edilən hücumla əlaqədar həyəcan siqnalı verilib.İraq mətbuatının yazdığına görə, buna səbəb ötən il yanvar ayının 1-i “Yaşıl Bölgə”dəki ABŞ səfirliyinə qarşı həyata keçirilmiş raket hücumudur.
“Mehr”agentliyi xatırladır ki, ötənilki raket hücumu 2020-ci il yanvarın 3-də Bağdad aeroportu yaxınlığında ABŞ pilotsuz uçuş aparatından endirilən zərbə nəticəsində öldürülən iranlı general Qasım Süleymaninin və İraq Xalq Səfərbərlik Qüvvələrinin komandan müavini Əbu Mehdi əl-Mühəndisinin öldürülməsinə etiraz əlaməti olaraq həyata keçirilib.
