Qazaxıstanda iğtişaşlar zamanı 8 polis əməkdaşı və Milli Qvardiyanın əsgəri həlak olub.Senzor.az yerli KİV-ə istinadən bildirir ki, ölkə Daxili İşlər Nazirliyinin yaydığı məlumatda belə deyilir.
İğtişaşlarda daha 317 nəfər yaralanıb.
Xatırladaq ki, yanvarın 2-də Manqistau vilayətinin Janaozen və Aktau şəhərlərinin sakinləri yanacağın qiymətinin artmasına etiraz edərək kütləvi şəkildə küçələrə axışıblar. Daha sonra etirazlar bütün Qazaxıstana yayılıb. Hakimiyyət Manqistau vilayətində maye qazın qiymətinin aşağı salındığını elan etsə də, vəziyyət sabitləşməyib. Etirazçılar iğtişaşlara əl atıblar. Hazırda qarşıdurma davam edir.
