Dünyada yeni növ koronavirusa (COVID-19) yoluxanların sayı son sutka ərzində 2,5 milyon nəfərdən çox olub.Senzor.az bildirir ki, məlumatı pandemiyanın onlayn statistikasını aparan “worldometers.info” saytı yayıb.
Qeyd olunur ki, ötən 24 saat ərzində 2 milyon 539 min 869 nəfər yeni koronavirusa yoluxub, 7 min 483 nəfər isə pandemiyanın qurbanı olub.
Bununla da yoluxanların ümumi sayı 298 milyon 129 min 843, ölənlərin sayı isə 5 milyon 481 min 981 nəfərə çatıb.
Bu dəfə də virusa ən çox yoluxma halı (704 min 661 nəfər) və bu xəstəlikdən ölüm faktı (1802 nəfər) ABŞ-da qeydə alınıb.
