Qazaxıstana əcnəbilərin girişinin qadağan edilməsi barədə məlumatlar doğru deyil.Senzor.az yerli KİV-ə istinadən bildirir ki, ölkə Xarici İşlər Nazirliyindən verilən açıqlamada belə deyilir.
"Bu məlumat reallığı ək etdirmir", - Qazaxıstan Xarici İşlər Nazirliyinin sözçüsü Aybek Smadyarova deyib.
Qeyd olunub ki, söhbət giriş qadağasından getmir, uçuşlar aviaşirkətlər tərəfindən ləğv edilir.
Xatırladaq ki, iğtişaşlar səbəbindən Qazaxıstanın bütün ərazisində fövqəladə vəziyyət rejimi tətbiq edilib.
**15:32
Qazaxıstan fövqəladə vəziyyət elan edilməsi ilə əlaqədar əcnəbi vətəndaşların ölkəyə girişini dayandırıb.
“RİA Novosti” bildirir ki, bu barədə Qazaxıstanın Daşkənddəki səfirliyinin nümayəndəsi məlumat verib.
“Fövqəladə vəziyyətin elan edilməsi ilə əlaqədar əcnəbi vətəndaşların Qazaxıstan ərazisinə girişi, o cümlədən piyada, hava nəqliyyatı və istənilən digər nəqliyyat vasitəsi ilə ölkə ərazisinə daxil olması dayandırılıb”, - deyə səfirliyin nümayəndəsi vurğulayıb.
