Vətən Müharibəsi zamanı cəbhədən Azərbaycanın əleyhinə təxribat xarakterli məlumatlar yayan, “WarGonzo”nun jurnalisti Semyon Peqov bu dəfə Qazaxıstana gedib. Senzor.az bildirir ki, bu barədə o, Teleqram kanalında yazıb.
Peqov Rusiya sülhməramlı kontingentinin təyyarəsi ilə Baykanura uçub. O, Baykanur kosmodromundan çəkiliş edərək son vəziyyətlə bağlı məlumat verib.
Qeyd edək ki, Semyon Peqovun Rusiya sülhməramlılarının təyyarəsi ilə Qazaxıstana getməsi sosial şəbəkənin Azərbaycan seqmentində birmənalı qarşılanmayıb və müzakirələrə səbəb olub.
Xatırladaq ki, müharibə zamanı cəbhədən təxribat xarakterli məlumatlar yayan Semyon Peqovla bağlı Azərbaycanın Baş prokuroru tərəfindən Cinayət Məcəlləsinin 214-2 (terrorçuluğa açıq çağırışlar), 281.1 (dövlət əleyhinə yönələn açıq çağırışlar) və 318.2-ci (Azərbaycan Respublikasının dövlət sərhədini qanunsuz olaraq keçmə) maddələri ilə cinayət işi başlanılıb və istintaqın aparılması Baş Prokurorluğun İstintaq İdarəsinə tapşırılıb.
