İranın Kirman vilayətində 5,1 gücündə zəlzələ baş verib.Senzor.az Tehran Universitetinin Seysmoloji Mərkəzinə istinadən bildirir ki, zəlzələ vilayətin Sireç şəhəri yaxınlığında, 12 kilometr dərinlikdə baş verib.
Bildirilib ki, Kirman vilayətində 18 aktiv zəlzələ ocağı var və onlar zaman-zaman fəallaşır.
Zəlzələ zamanı ölən, yaralanan və dağıntılar barədə hələlik məlumat yoxdur. Hadisə yerinə təcili-tibbi yardım və xilasedicilər cəlb olunub.
Xatırladaq ki, Kirman vilayətində dünən də zəlzələ qeydə alınmışdı - 4,5 bal gücündə.
