ABŞ-da yanvarın 16-dan başlayan və paytaxt Vaşinqton da daxil olmaqla bir çox ştata təsir edəcəyi gözlənilən qar fırtınası səbəbindən 2280 uçuş ləğv edilib. TRT bildirir ki, əlverişsiz hava şəraiti səbəbindən ən azı 221 min insanın işıqsız qaldığı açıqlanıb.
ABŞ Milli Meteorologiya Xidməti (NWS) bugünkü qar fırtınasının Şimali Karolina, Cənubi Karolina, Corciya və Virciniya başda olmaqla bir çox ştata təsir edəcəyi barədə məlumat yayıb. Sözügedən 4 ştatda fırtına öncəsi fövqəladə vəziyyət elan edilib.
Qar fırtınasının təsirli olacağı əyalətlərdə qarın qalınlığının 45 santimetrə çatacağı gözlənilir.
