Əfqanıstandan təxliyə həyata keçirən İtaliya Hərbi Hava Qüvvələrinə məxsus təyyarə Kabil aeroportundan havaya qalxarkən atəşə məruz qalıb.
Bu barədə ölkənin “Agi” agentliyi məlumat yayıb.
Təyyarənin göyərtəsində jurnalistlər və 98 mülki şəxs olub.
Qeyd olunur ki, təyyarə avtomat silahlardan hava limanı ərazisindən kənarda atəşə tutulub. Atəşin hədəfinin hava limanında toplanan kütlənin olduğu deyilir.
Sərnişinlərdən və ekipaj üzvlərindən heç kim xəsarət almayıb. Təyyarə Küveytə yola düşüb, sərnişinlər oradan İtaliyaya digər hava gəmisi ilə aparılacaqlar.
