Dünyada yeni növ koronavirusa (COVID-19) yoluxanların sayı 330 milyon nəfəri keçib.Senzor.az bildirir ki, pandemiyanın onlayn statistikasını aparan “worldometers.info” saytının yaydığı son hesabatda belə deyilir.
Qeyd edilir ki, ötən sutka ərzində 1 milyon 989 min 767 nəfər yeni koronavirusa yoluxub, 5004 nəfər isə pandemiyanın qurbanı olub. Bununla da yoluxanların ümumi sayı 331 milyon 282 min 558, ölənlər isə 5 milyon 563 min 252 nəfərə çatıb.
Ötən sutka ərzində virusa ən çox yoluxma halı (389 min 553 nəfər) ABŞ-da, bu xəstəlikdən ölüm faktı (670 nəfər) isə Rusiyada qeydə alınıb.
Dünyada bu vaxtadək ən çox yoluxma halı ABŞ (67,6 milyon), Hindistan (37,6 milyon), Braziliya (23 milyon), Böyük Britaniya (15,3 milyon), Fransa (14,2 milyon), Rusiya (10,8 milyon) və Türkiyədə (10,5 milyon) qeydə alınıb.
