Əfqanıstanın şərqində yerləşən Kunar əyalətində qar uçqunu baş verib. “Bakhtar” informasiya agentliyinin yerli hakimiyyət orqanlarına istinadla yaydığı məlumata görə, hadisə nəticəsində ən azı 20 nəfər həlak olub.
Hadisə əyalətin cənubunda yerləşən Danqam rayonunda qeydə alınıb. Hazırda insidentin baş verdiyi ərazidə axtarış-xilasetmə əməliyyatı aparılır.
