Tailand və Kamboca liderləri ABŞ Prezidenti Donald Trampla söhbət əsnasında atəşi dayandırmaq istəklərini ifadə ediblər.
Bu barədə Tramp öz “Truth” hesabında məlumat verib.
"Mən indicə Tailand baş nazirinin səlahiyyətlərini icra edən şəxslə danışdım və çox yaxşı söhbətimiz oldu. Tailand da Kamboca kimi dərhal atəşkəs və sülh istəyir. Mən bu mesajı indi Kambocanın baş nazirinə çatdıracağam", - o yazıb.
Onun sözlərinə görə, Pnompen və Banqkok artıq dərhal görüşmək və atəşkəs üzərində işə başlamaq barədə razılığa gəliblər.
Tramp onu da bildirib ki, bu şərt yerinə yetirildikdən sonra tərəflərə ABŞ ilə ticarət razılaşmalarını müzakirə etməyə qayıtmaq imkanı veriləcək.
